Gürcüstan Parlamentinin Xarici Əlaqələr Komitəsinin sədri Sopio Katsarava tərəfindən təşəbbüslənən “Avqust müharibəsindən 10 il sonra” adlı rezolyusiya layihəsini ATƏT-in parlament Assambleyası səslərin əksəriyyəti ilə qəbul etdi.

Bu barədə məlumatı Gürcüstan parlamentinin mətbuat xidməti yayır.

Sopio Katsaravanın bəyan etdiyinə görə, Rusiya tərəfindən böyük müqavimətə və maneçiliyə baxmayaraq, ATƏT-in Parlament Assambleyası rezolyusiyası qəbul etdi.

Daimi qüvvədə olan nümayəndə heyyətinin rəhbəri tərəfindən təşəbbüslənən rezolyusiyaya əsasən, ATƏT-in parlament Assambleyası Rusiya Federasiyasına Gürcüstan ərazisindən hərbi qüvvələrinin çıxardması üçün müraciət edir.

Rezolyusiyanın səs vermə prosesində Rusiya nümayəndələri iştirak etmədilər.