ATƏT-in Parlament Assambleyası Porto Bəyannaməsi ilə Suriya hökumətini “Gürcüstanın bölgələri – Abxaziya və Sxinvali, eləcə də Ukraynanın Donetsk və Luqansk bölgələrinin “müstəqilliyinin” tanınmasını ləğv etməyə və Gürcüstan və Ukraynanın ərazi bütövlüyünü tanımağa” çağırır.

Bununla yanaşı, bəyannaməyə əsasən, “Assambleya Rusiya Federasiyasının nəzarəti altında olan Gürcüstanın işğal olunmuş bölgələrində keçirilən “seçkilərə”, o cümlədən beynəlxalq hüquq tərəfindən tanınmayan və Gürcüstanın suverenliyi və ərazi bütövlüyü üçün birbaşa çağırış olan 2025-ci ilin martın 2-də Abxaziyada keçirilən “prezident seçkilərinə” legitimlik verilməsinin istənilən cəhdini rədd edir”.

Porto Bəyannaməsində həmçinin qeyd olunub ki, “ATƏT-in Parlament Assambleyası Rusiya Federasiyası tərəfindən Gürcüstanın Abxaziya və Sxinvali bölgəsinin 2008-ci ildən bəri davam edən işğalına görə dərin narahatlıq ifadə edir, bu isə regional təhlükəsizliyə zərbə vurur və Rusiya Federasiyasının qüvvələrinin münaqişədən əvvəlki mövqelərinə dərhal geri çəkilməsi, zərər çəkmiş rayonlarda humanitar yardımın ləngimə olmadan çatdırılması, məcburi köçkünlər və qaçqınların təhlükəsiz və ləyaqətli şəkildə geri qaytarılması və Cenevrə danışıqlarında konstruktiv iştirak da daxil olmaqla, Avropa İttifaqının vasitəçiliyi ilə əldə olunmuş atəşkəs razılaşmasının tam həyata keçirilməsinə çağırır”.

ATƏT-in Parlament Assambleyası tərəfindən qəbul edilmiş Porto Bəyannaməsində Gürcüstanla bağlı qətnaməyə ayrıca fəsil həsr olunub.