Ermənistan və Türkiyə arasındakı münasibətlər Azərbaycanla münasibətlərdən asılı deyil, – bunu Ermənistanın xarici işlər naziri Ararat Mirzoyan bildirib.

Ermənistan XİN rəhbərinin sözlərinə görə, Türkiyə ilə münasibətlərin tam normallaşması mənfi deyil, əksinə, Ermənistan və Azərbaycan arasında münasibətlərin normallaşma prosesinə müsbət təsir göstərəcək.

“Nəqliyyat infrastrukturunun açılması ilə bağlı bu prosesin əsas prinsipləri 8 avqustda Vaşinqton sülh sammitində razılaşdırılıb: ərazi bütövlüyü, sərhədlərin toxunulmazlığı, suverenlik, yurisdiksiya və qarşılıqlılıq. Bu çərçivədə müəyyən edilmiş Tramp yol xəritəsi Azərbaycanı Naxçıvanla, həmçinin Ermənistanı digər ölkələrlə və daha geniş coğrafi miqyasda Ermənistan və Azərbaycan üzərindən regionlarla birləşdirəcək. Ermənistan bunun mümkün qədər tez həyata keçirilməsi üçün fəal səylər göstərir”, – deyə Ararat Mirzoyan bildirib.