Aparılan bərpa işləri ilə əlaqədar olaraq aprelin 18-dən Metexi körpüsündə nəqliyyatın hərəkəti qismən məhdudlaşdırılacaq

Tbilisi meriyası Metexi körpüsünün bərpasına başlayıb. Paytaxtın meri Kaxa Kaladze reabilitasiya layihəsi ilə yerindəcə tanış olub.

Meriyadan verilən məlumata görə, layihə çərçivəsində tağların möhkəmləndirilməsi, fasadların işlənib-hazırlanması, yeni asfalt-beton örtüyünün döşənməsi, səkilərin yenilənməsi və təbii daş plitələrlə üzlənməsi, eləcə də körpünün üzərindəki çuqun məhəccərin görünüşünün yaxşılaşdırılması nəzərdə tutulub. .

Eyni zamanda, Tbilisi meriyasının məlumatına görə, nəzərdə tutulan işlərlə əlaqədar bu il aprelin 18-dən Metexi körpüsündə avtomobillərin hərəkəti qismən məhdudlaşdırılacaq.

Metexi körpüsünün reabilitasiya işlərini Bələdiyyə İnfrastrukturunun İnkişafı Xidmətinin sifarişi ilə “Besko” şirkəti həyata keçirəcək. İşlər yayın sonuna kimi yekunlaşacaq.