Türkiyə mediasının xəbərinə görə, Ankaranın Baş Prokurorluğu açıqlayıb ki, ötən ilin noyabrında Gürcüstanın Kaheti bölgəsində qəzaya uğramış C-130 tipli türk hərbi yük təyyarəsində xarici müdaxilə və ya partlayış izlərinə rast gəlinməyib.

Açıqlamada bildirilir ki, bu nəticə Türkiyə Jandarmının Baş Komandanlığının təqdim etdiyi hesabat əsasında verilib. Prokurorluq və Hərbi Cinayətlər üzrə Araşdırma Bürosu hadisə ilə bağlı istintaqa davam edir.

Jandarmanın məhkəmə ekspertizası nəticəsində, təyyarənin qalıqlarında ilkin texniki yoxlamalar aparılıb. Hesabatda qeyd olunur: “Təyyarənin yaxınlığında qalıqlar üzərində əl istehsalı partlayıcı qurğudan yaranmış zədələr aşkarlanmayıb. Həmçinin partlayıcı qurğunun və ya komponentlərinin partlamasına dair heç bir əlamət yoxdur.”

Eyni zamanda, hesabatda neft məhsulları və yanma sürətləndirici maddələrin tapılmadığı, təyyarənin qalıqlarının elementar analizində şübhəli kimyəvi maddələrin aşkar edilmədiyi qeyd olunur.

Türkiyə mediasının məlumatına görə, ölkənin Hərbi Hava Qüvvələrinin Qiymətləndirmə və İnspeksiya Direktorluğu təyyarənin qəzaya uğrama səbəblərini araşdırmağa davam edir.

Qeyd edək ki, 2025-ci il noyabrın 11-də Kaheti bölgəsində C-130 tipli türk hərbi yük təyyarəsi qəzaya uğrayıb və borteki 20 hərbi qulluqçu həyatını itirib.