Patriarxlığın ictimaiyyətlə əlaqələr xidmətinin rəhbəri Andriya Cağmaidze bildirib ki, Sinodun bu günkü iclası patriarx seçimi üçün üç namizədin müəyyənləşdirilməsinə həsr olunmayıb. İclas yalnız prosesual məsələlərin nizamlanmasına yönələcək və bu, gələcək böyük işlər üçün zəruridir.

Cağmaidzenin sözlərinə görə, Sinodun bu günkü iclasında nizamnamə dəyişdirilməyəcək, çünki bunun üçün kilsənin genişləndirilmiş iclası tələb olunur.

“Bildiyiniz kimi, nizamnaməyə əsasən, genişləndirilmiş konqres patriarxın vəfatından iki ay ərzində keçirilməlidir. Nizamnamənin dəyişdirilməsi yalnız geniş iclasda mümkündür, buna görə hər bir məsələ ciddi şəkildə nizamnaməyə uyğun həll olunacaq. Müxtəlif fikir ayrılığı olan məsələlərdə bütün müqəddəs ruhanilər katolikos-patriarxa böyük hörmətlə yanaşır və onun qoyduğu birliyə məsuliyyətlə diqqət yetirəcək. Ümumi yanaşma belədir ki, bütün mövzular birliy və məsuliyyətlə razılaşdırılacaq. Sinod Allahdan xahiş edəcək ki, Müqəddəs Ruhun lütfü ilə bütün zəruri məsələlər kilsəyə və xristian nizamına uyğun şəkildə həll olunsun. Bu gün, ehtimal ki, patriarx namizədinin cavab verməli olduğu kriteriyalar müzakirə ediləcək,” – deyə Cağmaidze bildirib.

O əlavə edib ki, Sinod bu gün məsələləri dəqiqləşdirmək üçün toplaşır ki, üç namizədin seçimi zamanı artıq müzakirə olunacaq mövzular qalmasın və seçim prosesi problemsiz həyata keçirilsin.