Çexiyanın parlament seçkilərində qalib gələn “ANO” partiyasının lideri Andrey Babiş bildirir ki, hökumət koalisiyasının formalaşdırılması üçün danışıqlar ola bilsin noyabrın əvvəlində başa çatsın.

Babiş hakim koalisiyanın formalaşdırılması ilə bağlı danışıqları sağçı, avroskeptik “Avtomobilçilər” partiyası və ifrat sağçı, Avropa İttifaqı və NATO-ya qarşı çıxan “SPD” partiyası ilə aparır. Qeyd olunan partiya ilə koalisiya yaradılarsa, koalisiya hökumətinin Çexiya Parlamentinin 200 yerlik aşağı palatasında 108 mandatı olacaq.

Babişin bəyanatına əsasən, razılaşma layihəsi ola bilsin, cari həftənin sonu üçün hazır olsun, yekun koalisiya razılaşması isə parlamentin noyabrın 3-nə planlaşdırılan ilk iclasından əvvəl hazır ola bilər. Parlamentin ilk sessiyasında spiker seçiləcək.