“4 oktyabrla bağlı hər bir sual başadüşüləndir və gözləniləndir ki, təşkilatçılar nə deyəcəklər. Amma bunu da anlamalıyıq ki, bu insanlar əsirlikdədirlər, harada ki, onların hər bir sözü – hətta vəkillərlə söhbətləri də yazılır və nəzarət altındadır,” – bunu “Milli Hərəkat” partiyasının üzvü Ana Tsitlidze sosial şəbəkədə yazıb.

Tsitlidzenin sözlərinə görə, onların hər hansı bəyanatı “rejim tərəfindən həm artıq saxlanılan şəxslərin əleyhinə, həm də yeni həbslərin artırılması məqsədilə istifadə oluna bilər.”

Ana Tsitlidze qeyd edir ki, qınama və isterika dərhal dayandırılmalıdır.

“Hər hansı bəyanat, xüsusilə də mənasız ‘sui-qəsd nəzəriyyələrinə’ uyduğumuz halda, rejim tərəfindən təkcə artıq həbsdə olanların ittihamlarını ağırlaşdırmaq üçün deyil, həm də yeni insanların həbsi üçün istifadə oluna bilər!

Təşkilatçılar özlərini qurban veriblər, onları maraqlandıran tək şey bu prosesdə ədalətin bərqərar olmasıdır – onlar deyirlər ki, ‘20 il, hətta ömürlük cəza versələr də, buna hazırıq’. Amma narahatdırlar o insanlar üçün ki, rejim onları 4 oktyabrdan sonra girov saxlayır və təşkilatçıların hər bir artıq sözü onların vəziyyətini daha da ağırlaşdıra bilər.

Bu insanlar həbsxanada televizora baxırlar və bizim buradan dediyimiz hər bir söz onlar üçün ümid və motivasiyadır. Elə etməyək ki, onların ruhunu qıraq.

Mən heç bir Liluashvili və ya ‘keçmişlərlə’ bağlı sui-qəsd nəzəriyyəsinə inanmıram. Nə Xabə, nə Murtaz, nə də Paataya çətin olmayacaq, lazım olan anda verilmiş suallara cavab versinlər.

Bu insanlar həbsə gedib və özlərini bu prosesdə fəda ediblər – bundan daha böyük sual və ya cavabı çətin məsələ nə ola bilər ki?

Dayandırın bu insanların qınanmasını və isterikanı.

P.S. Mən deməmişdən əvvəl deyin, 4 oktyabra qədər nə ilə məşğul idiniz ki, 4 oktyabr baş verməsin!” – deyə Ana Tsitlidze yazıb.