Milli Xəstəliklərə Nəzarət Mərkəzinin rəhbəri Amiran Qamkrelidzenin sözlərinə görə, peyvəndlə yanaşı qaydalara düzgün riayət etmək lazımdır.

Məsələdən danışan Qamkrelidze, maska taxmağın əhəmiyyətinə xüsusi diqqət yetirdi və indiki rəqəmin kifayət qədər aşağı olduğunu qeyd etdi.

Eyni zamanda Amiran Qamkrelidze deyir ki, peyvənd və qaydalara riayət etmək məktəblərdə təhlükəsiz bir mühit təmin edəcək və tədris prosesini sinif otaqlarında davam etdirmək imkanı olacaq.

“Tezliklə, bir həftə ərzində əlavə qrip peyvəndinə başlayacağıq, çünki qrip noyabr ayında görünəcək. Lakin bu gün əsas məsələ Koviddir. Koronavirus bu gün 38 nəfərin həyatına son qoyub. Doğrudur, epidemiya vəziyyəti sabitləşir, amma maska taxmaq nisbətini 95 faizə qaldırsaq (bu gün bu nisbət 43 faizdir), yalnız dekabr ayına qədər 200-250 insanın həyatını xilas edəcəyik. Peyvənddən başqa pandemiyanı məğlub edə bilmərik. Məktəblər oktyabr ayından açılmalıdır, məktəb açmaq lazımdır, uşaqların təhsilə ehtiyacı var. Hamını bir daha peyvənd etməyə çağırıram ”, – dedi Amiran Qamkrelidze.