ABŞ Prezidenti Donald Tramp Alyaskada görüş zamanı Rusiya Prezidenti Vladimer Putinə Moskvaya qarşı sanksiyaların sərtləşdirilməsi və ya yumşaldılması ilə bağlı bütün variantların nəzərdən keçirildiyini aydın şəkildə izah edəcək. Bu barədə Amerika Birləşmiş Ştatlarının Xəzinədarlıq Departamentinin rəhbəri Skot Besent bildirib.

Besentin izah etdiyi kimi, sanksiyalar artırıla, yüngülləşdirilə və son tarixlərə malik ola bilər.

“Donald Tramp prezident Putinə bütün variantların nəzərdən keçirildiyini açıq şəkildə izah edəcək” – Besent bildirib.

Xəzinədarlıq Departamentinin rəhbərinin sözlərinə əsasən, avropalılar sanksiyalarda ABŞ-a qoşulmalı və daha çox təsir vasitəsi yaratmağa kömək etməlidirlər.