Almaniyanın Xarici İşlər Nazirliyi – Ukraynaya dəstəyə görə Kremlin təhdidi yeni deyil, biz bunları nəzərə alırıq və bizi qorxutmağa imkan verməyəcəyik

Almaniyanın Xarici İşlər Nazirliyinin bəyanatına əsasən, Ukraynaya dəstəyə görə Kremlin təhdidi onlar üçün yenilik deyil və qorxudulmalarına imkan verməyəcəklər. Bu barədə “Deutsche Welle” yazır.

“Bu cür təhdidlər yeni deyil. Biz onları nəzərə alırıq və bizi qorxutmağa imkan verməyəcəyik” – Almaniyanın Xarici İşlər Nazirliyinin nümayəndəsi bildirib.

Müdafiə Nazirliyinin nümayəndəsi isə qeyd edib ki, Ukraynaya göstərilən hərbi yardımın “maksimum təhlükəsizliyini” təmin etmək üçün “daim işlər” aparılır.

“Təbii ki, biz çatdırılma təhlükəsizliyi məsələlərində öz addımlarımızı ukraynalı tərəfdaşlarımızla əlaqələndiririk” – Müdafiə Nazirliyinin nümayəndəsi bildirir.

“Deutsche Welle” qeyd edir ki, Ukrayna yük təyyarəsinin yaxınlığında ehtimal ki, Rusiya partlayıcısı ilə təchiz olunmuş dronun aşkar edildiyi Leypsiq Hava Limanı insidenti fonunda, Rusiyanın xarici işlər naziri Serqey Lavrovun Ukraynaya hərbi dəstək verən hər şeyi məhv etmək üçün metodları sərtləşdirdikləri barədə səsləndirdiyi təhdid Almaniya üçün xüsusilə diqqətçəkəndir.