Almaniyanın səfirliyi – Saberio kəndində baş vermiş inanılmaz faciə hamımızı sarsıtdı, ailəyə və gürcü xalqına dərin hüznlə başsağlığı veririk

Almaniyanın Gürcüstandakı səfirliyi Saberio kəndində baş vermiş faciə ilə əlaqədar ailəyə və gürcü xalqına başsağlığı verir.

Matəm günü ilə əlaqədar səfirlikdə bayraqlar endirilib.

“Bu gün, yanvarın 9-da Almaniyanın səfirliyində bayraq endirilib. Saberio kəndində baş vermiş inanılmaz faciə hamımızı sarsıtdı. Bu ağır günlərdə ailəyə və gürcü xalqına dərin hüznlə başsağlığı veririk” – Almaniyanın səfirliyi tərəfindən yayılmış məlumatda qeyd olunub.

Gürcüstan hökumətinin qərarı ilə işğal altındakı Qali Rayonunun Saberio kəndində baş vermiş və 5 uşağın həyatını itirməsinə səbəb olmuş faciə ilə əlaqədar yanvarın 9-u matəm günü elan edilib.
Yanğın nəticəsində həlak olmuş şəxslər bu gün dəfn olunacaqlar.