Bu gün biz zorakılıq və müharibənin qurbanı olmuş insanları yad edirik, həmçinin müharibəyə görə didərgin düşənlər haqqında düşünürük – bu barədə Almaniyanın Gürcüstandakı səfirliyinin bəyanatında deyilir.

Səfirlikdə bəyan etdikləri kimi, Rusiya Federasiyası və digər dövlətlər tərəfindən Gürcüstanın separatçı bölgələri Abxaziya və Cənubi Osetiyanın birtərəfli tanınması qəbuledilməzdir.

“2008-ci ilin avqustun 7-də Rusiya Federasiyası ilə Gürcüstan arasında silahlı münaqişə başladı. Bu gün biz zorakılıq və müharibənin qurbanı olmuş insanları yad edirik, həmçinin müharibəyə görə didərgin düşənlər haqqında düşünürük. Almaniya Federativ Respublikası Gürcüstanın milli suverenliyini və ərazi bütövlüyünü onun beynəlxalq səviyyədə tanınmış sərhədləri çərçivəsində dəstəkləyir. Rusiya Federasiyası və digər dövlətlər tərəfindən Gürcüstanın separatçı bölgələri Abxaziya və Cənubi Osetiyanın birtərəfli tanınması qəbuledilməzdir. Almaniya Rusiyanı 2008-ci ilin 12 avqust və 8 sentyabr tarixli razılaşmaları ilə nəzərdə tutulmuş öhdəlikləri tam şəkildə yerinə yetirməyə çağırır” – səfirliyin bəyanatında deyilir.

2008-ci ilin Rusiya-Gürcüstan müharibəsindən 17 il keçdi. 2008-ci ilin avqustun 7-də separatçılar gürcü kəndlərini intensiv şəkildə bombalamağa başladılar, bu da cavab atəşinin açılması, avqustun 8-də isə Rusiya işğalçı ordusunun ölkəyə daxil olması ilə müşaiyət olundu. Rusiyanın Gürcüstana qarşı apardığı müharibə nəticəsində 411 nəfər həlak oldu, 130 000-ə yaxın vətəndaş didərgin düşdü, kəndlər məhv oldu, Qori şəhəri və strateji obyektlər bombalandı. Gürcüstan ərazilərinin 20 faizi hələ də Rusiyanın işğalı altındadır.