Alman mediası – “Rheinmetall” müdafiə şirkətinin Berlin zavodu yaxınlığında doqquz nəfər etiraz əlaməti olaraq özünü yol örtüyünə yapışdırıb
Almaniyanın “Rheinmetall” müdafiə şirkətinin Berlin zavodu yaxınlığında doqquz etirazçı etiraz əlaməti olaraq özünü yol örtüyünə yapışdırıb. Bu barədə məlumatı alman mediası yayır.
Polisin bəyanatına əsasən, hüquq-mühafizə orqanlarının əməkdaşları Berlinin Veddinq rayonunda yerləşən zavoda səhər saat 05:30-da çağırılıblar. Onlar toplaşan qrupu dağıtmağa çalışıblar.
Onların məlumatında, 11 nümayişçinin öhdəsindən gəlmək üçün əraziyə 90-dək polis əməkdaşının cəlb olunduğu deyilir.
Almaniyanın ən böyük silah istehsalçısı olan “Rheinmetall” Veddinq zavodunda istehsala bu il başlayıb. O vaxtdan bəri zavod dəfələrlə iqlim fəallarının etiraz aksiyalarının hədəfinə çevrilib. Fəallar arasında isveçli Qreta Tunberq də olub.