Ali təhsil islahatı ilə bağlı baş nazir İrakli Kobaxidze parlamentdə interpelasiya proseduru çərçivəsində dinləniləcək. Bu barədə bu gün Büro iclasında Şalva Papuaşvili məlumat verib.

Onun sözlərinə görə, interpelasiya sualları artıq hazırdır.

“Fraksiya Gürcü Arzusu tərəfindən baş nazirə qarşı növbəti interpelasiya sualları daxil olub. Bildiyiniz kimi, hər ayın son plenar həftəsində baş nazirin interpelasiya qaydasında dinlənilməsi mümkündür və bunun üçün suallar plenar həftədən bir həftə əvvəl təqdim edilməlidir. Hazırkı həftə üçün bu müddət keçdiyi üçün, gələn ay – 26-27 noyabr tarixlərinə, yəni çərşənbə və cümə axşamına düşür. Buna görə, 25 noyabr həftəsində baş nazir interpelasiya qaydasında dinləniləcək. Interpelasiya sualları təhsil islahatına, o cümlədən elan olunmuş ali təhsil islahatı konsepsiyasına aiddir”, – deyə Papuaşvili bildirib.