Gürcü tərəfi ilə konstruktiv dialoq bizim məqsədimizdir, birlikdə fəal işləməyə davam edirik – bu barədə Avropa Şurasının baş katibi Alen Berse Antalyada gürcü jurnalistlərə deyib.

Bersenin Gürcüstanın Baş naziri İrakli Kobaxidze ilə görüşü haqda danışarkən qeyd etdiyi kimi, görüşün məqsədi əlaqələrin yaxşılaşdırılması idi.

“Bizim daha bir görüşümüz baş tutdu. Görüş əhəmiyyətli idi. Bizim və Avropa Şurasının rolu təkcə əlaqədə qalmaq deyil, həm də bu əlaqələrin yaxşılaşdırılmasıdır. Bu görüşün məqsədi məhz bu idi. Gürcü tərəfi ilə konstruktiv dialoq bizim məqsədimizdir, birlikdə fəal işləməyə davam edirik” – Berse qeyd edib.

Gürcüstanın Baş naziri İrakli Kobaxidze və Avropa Şurasının baş katibi Alen Berse Antalya Diplomatiya Forumu çərçivəsində görüşüblər. İrakli Kobaxidzenin görüşdən sonra sosial şəbəkədə yazdığı kimi, “Alen Berse ilə görüş zamanı əməkdaşlığı daha da gücləndirməyə və fəal dialoqu davam etdirməyə hazır olduğumuzu təsdiqlədik”.