Gürcüstanda vəziyyət istədiyimiz qədər yaxşı deyil, bu həqiqətən aylar ərzində səhv istiqamətə gedirdi, lakin çox daha pis ola bilərdi, əsas olan budur – bu haqda Avropa Şurasının baş katibi Alen Berse Avropa Şurası Assambleyasında isveçli parlamentari tərəfindən Gürcüstanla bağlı verilmiş suala cavabında deyib.

Belə ki, isveçli parlamentari Azeda Roihan Alen Bersedən soruşub – Assambleyada Gürcüstanla bağlı ciddi narahatlığımızı, eləcə də demokratiya və qanunun aliliyinin qarşısında duran çağırışları vurğuladığınız Gürcüstana səfərinizi nəzərə alaraq, mən sizdən soruşuram ki, biz necə daha sıx əməkdaşlıq edə bilərik? İndi ümumi təşəbbüs kimi birgə prosedura başlamaq və Gürcüstana demokratik və Avropa yoluna qayıtmasına kömək etmək üçün ən uyğun məqamdırmı?

Bersenin bəyanatına əsasən, Gürcüstana səfəri zamanı yaxşı müzakirələr aparıb və qayıtdıqdan sonra bu müzakirələrin mümkün inkişafı barədə yaxşı təəssürata malikdir.

“Bildiyiniz kimi, seçkilərdən sonra Gürcüstan məsələləri üzərində çox işləyirik. Bu, seçkilərdən əvvəl də belə idi. Seçkilərdən sonra, dekabr ayında, nümayəndə heyəti ilə birlikdə ölkədə insan hüquqları və azadlıqları baxımından müsbət irəliləyişlərin olduğuna əmin olmaq üçün hökumətlərarası yaxşı əməkdaşlığı təmin etmək məqsədilə yaxın aylarda birlikdə nə edə biləcəyimizi görmək, eyni zamanda, ilk növbədə, dırnaqarası xarici agentlər qanunvericiliyinin müzakirəsi üçün yollar tapmaq məqsədilə Tbilisidə idim. Orada hakim partiya, müxalifət, qeyri-hökumət təşkilatları və beynəlxalq ictiamiyyət ilə yaxşı müzakirələr apardım. Qayıtdıqdan sonra, yaşadığımız çox çətin konteksdə hadisələrin mümkün inkişafı barədə yaxşı təəssüratım var.

Fevralın əvvəlində Gürcüstanın artıq dırnaqarası xarici təsir qanununa dərin düzəliş edilməsi və ya geri çəkilməsi ilə bağlı birgə işi davam etdirmək üçün əlçatan olmadığı mənə bildirildi. Baş nazir İrakli Kobaxidze ilə kifayət qədər uzun telefon danışığım oldu. O, mənə hökumətin dekabr ayında götürdüyü öhdəlikləri yerinə yetirməyə qayıtmaq niyyətini bildirdi. O vaxtdan sonra bizim aramızda birbaşa ünsiyyət olmayıb” – Berse qeyd edib.

Bersenin qeyd etdiyi kimi, indi daha çox təmasa ehtiyac var və işi davam etdirmək üçün dialoqa şans verilməlidir. O, hakim partiya və baş nazirlə əlaqə saxlamaq niyyətində olduğunu bildirib.