Bu gün işin müstəntiqi prosesdə dindiriləcək. Mövqeyimi qoruyub saxlayıram, həqiqətən özümü günahkar hiss etmirəm. Görək, məhkəmə hər şeyi müəyyən edəcək – bu haqda odlu silahın ehtiyatsız saxlanmasında ittiham olunan Dəniz Nəqliyyatı Agentliyinin sabiq direktoru Aleksi Axvlediani məhkəmə iclası başlamazdan əvvəl deyib.

O, Tornike Rijvadzenin özünün yaxın günlərdə bəyanat verməyi planlaşdırdığını bildirib.

“Bildiyim qədəri ilə, Tornike Rijvadzenin özü yaxın günlərdə bəyanat verəcək və hər bir suala cavab verəcək. Onunla bağlı heç nə deyə bilmərəm, çünki Tornikenin özünün suallara cavab vermək niyyətində olduğu barədə məlumatım var. Yəqin müsahibə verəcək. O, Gürcüstana qayıdır, heç vaxt ölkəni tərk etmək niyyətində olmayıb, bilirsiniz, hansı səbəbdən ölkəni tərk edib. O, yaxın vaxtda qayıdacaq və bütün suallara özü cavab verəcək” – Axvlediani qeyd edib.