Amerika müdafiə qabiliyyətimizi gücləndirməkdə bizə sistemli şəkildə kömək edən yeganə ölkədir və bunun ardınca müəyyən dəyişikliklərin olacağı aydın idi, bu çox təəssüf doğurur. – Bu barədə “Qirçi”nin üzvü Aleksandre Rakviaşvili bildirib.

Rakviaşvilinin sözlərinə görə, ordumuz sanksiyalara və ya tərəfdaşı ilə münasibətlərin pisləşməsinə layiq deyil, çünki müdafiə qabiliyyətimizi necə gücləndirəcəyimiz barədə başqa mənbəmiz yoxdur.

“Dövlət Departamentinin ilkin olaraq “Agentlər haqqında qanun”la bağlı bəyanatında ayrıca yalnız bir mövzu vurğulanıb, o, müdafiə qabiliyyəti və Müdafiə Nazirliyi ilə münasibətimiz olub. Amerika müdafiə qabiliyyətimizi gücləndirməkdə bizə sistemli şəkildə kömək edən yeganə ölkədir və bunun ardınca müəyyən dəyişikliklərin olacağı aydın idi, bu çox təəssüf doğurur. Biz əvvəldən vurğulamışdıq ki, bizim ordumuz bu tip sanksiyalara və ya tərəfdaşla münasibətlərin korlanmasına layiq deyil, çünki bizim müdafiə qabiliyyətini necə gücləndirmək üçün başqa mənbəmiz yoxdur. Digər tərəfdən, bu dəyişikliklər bütün variantlarda qısamüddətlidir, oktyabrın 26-da seçkilər var və inşallah, xalqımız düzgün seçim edəcək və bizim strateji tərəfdaşlarımızla daha problemimiz olmayacaq.

İndiki mərhələdə NATO-ya inteqrasiya və ya Amerika ilə hansısa növ tərəfdaşlıqdan danışmaq sadəcə olaraq lazım deyil, bütün proses dayanıb. Bunu açıq deyirlər, ona görə də bir neçə ay dözməliyik, seçkilər olacaq, sonra münasibətləri yenidən bərpa edəcəyik. Artıq aydındır ki, NATO-ya daxil olmaq kifayət qədər uzaq perspektivdir və indi itirdiyimiz bir neçə ay kritik olmayacaq”, – Rakviaşvili bildirib.

ABŞ Müdafiə Nazirliyi dünən bəyanat yayıb və ona əsasən, ABŞ-Gürcüstan ikitərəfli münasibətlərinin hərtərəfli nəzərdən keçirilməsi çərçivəsində ABŞ Gürcüstanda keçiriləcək “Layiqli tərəfdaş” təlimini qeyri-müəyyən müddətə təxirə salacaq.