Təəssüf ki, yollarda yaralanan və dünyasını dəyişənlərin göstəricisi ilə Avropada birinci yerdəyik, lakin avtomobil idarə edərkən spirtli içki və narkotiklərin istifadəsi ilə bağlı ən sərt siyasətimiz var – bu haqda Gürcüstanın daxili işlər nazirinin müavini Aleksandre Daraxvelidze deyib.

Onun sözlərinə görə, dəyişikliklər bu siyasətin davamıdır.

“Dəyişikliklərlə, spirtli içkinin təsiri altında avtomobil idarə edən insanlar üçün hər cür güzəştli sistem ləğv edilir. Bir çox insanın, məsələn, üç ay keçdikdən sonra sürücülük vəsiqəsini tələb edib bərpa ediləcəyi ilə bağlı gözləntisi var idi, bu mexanizm artıq mövcud olmayacaq. Həmçinin, amnistiya əsasında əfv edilənlər inzibati cəzadan tam azad edilməyəcəklər. Xüsusilə, əgər onlar cərimə olunublarsa, onu ödəməli olacaqlar. Həmçinin, cəza almış şəxs hesab olunacaqlar və bir il ərzində eyni əməli təkrar törətsələr, bu, ilk dəfə törədilən əməl kimi deyil, təkrar törədilən əməl kimi tövsif ediləcək. Təkrarlanma halında, cəzalar daha sərtdir” – Aleksandre Daraxvelidze bildirib.

Onun sözlərinə əsasən, dövlətin sərt yanaşması var, bu insanlara şans verilib, lakin cinayəti təkrarlasalar, dövlət ən sərt olacaq.

“Əgər bu əməli ikinci dəfə törətsələr, təkrar törədildiyi üçün cəzalandırılacaqlar, qanunla nəzərdə tutulmuş cəzanı sona qədər çəkməli olacaqlar” – Aleksandre Daraxvelidze bildirib.