Daxili işlər nazirinin müavini Aleksandre Daraxvelidze Gürcüstanda rəsmi səfərdə olan Avropa Şurasının İnsan Hüquqları üzrə Komissarı Maykl O’Flaherti ilə görüşüb. Bu barədə Daxili İşlər Nazirliyi məlumat yayıb.

Agentliyin məlumatına görə, görüş zamanı tərəflər son aylarda keçirilən etiraz aksiyalarının gedişini müzakirə ediblər.

“Aleksandr Daraxvelidze Avropa Şurasının insan haqları üzrə komissarına həm mitinqin zorakılıq nümayiş etdirən iştirakçılarının qanunsuz hərəkətləri, həm də buna cavab olaraq polisin gördüyü təsirli tədbirlər barədə ətraflı məlumat verib.

İclasda həmçinin son qanunvericilik dəyişiklikləri və onların beynəlxalq standartlara uyğunluğu müzakirə olunub.

Görüşün sonunda Aleksandre Daraxvelidze Maykl O’Flahertiyə təşəkkürünü bildirib və Avropa Şurası institutları ilə əməkdaşlığın Gürcüstan üçün vacib və prioritet olduğunu qeyd edib. Tərəflər gələcək əməkdaşlığı dərinləşdirməyə və məlumat mübadiləsinə hazır olduqlarını bildiriblər. – Daxili İşlər Nazirliyinin yaydığı məlumatda deyilir.