Avropada Gürcüstan kimi iqtisadi artıma malik olan bir ölkə göstərin. Gürcüstanı, gürcü xalqını və gürcü dövlətini bu cür möhtəşəm nəticələr münasibətilə təbrik etmək istəyirəm, – bunu Serbiya Prezidenti Aleksandr Vuçiç Belqradda Gürcüstan Prezidenti Mixeil Kavelashvili ilə birgə mətbuat konfransında bildirib.

Onun sözlərinə görə, gələn il Gürcüstan region üçün model olacaq.

“Mən Prezident Mixeil Kavelashviliyə və Baş nazir İrakli Kobaxidzeyə təşəkkür etmək istəyirəm. Onların ölkəsi çox böyük artım göstəricilərinə malikdir. Siz nümayişlərin, etiraz aksiyalarının fotolarını görə bilərsiniz – bizdə də belədir – lakin Gürcüstan xüsusilə uğurludur. Bəzən bu görüntülər insanları etiraza sövq edə bilər, amma ölkədə 9,4 faizlik iqtisadi artım var. Avropada belə iqtisadi artıma malik olan bir ölkə göstərin. Gürcüstanı, gürcü xalqını və gürcü dövlətini bu cür möhtəşəm nəticələr münasibətilə təbrik etmək istəyirəm. Gələn il siz region üçün model olacaqsınız”, – deyə Aleksandr Vuçiç bildirib.