Belarus prezidenti Aleksandr Lukaşenko Ukrayna prezidentinə, Volodimir Zelenskiyə danışıqları pozmamağa çağırır. Onun sözlərinə görə, Ukrayna prezidenti mövcud reallığı nəzərə almalı və qərarlarını buna uyğun qəbul etməlidir.

Lukaşenkonun sözlərinə görə, baxmayaraq ki, Ukraynanın dənizə çıxışı və Odessa, Nikolayev kimi şəhərləri var, bütün bunlar çox tez bir zamanda yox ola bilər.

“Cari reallıqdan çıxış edərək düşünün ki, nələri saxlaya bilərsiniz. Sizin dənizə çıxışınız var, həm Odessa, həm də Nikolayev sizindir, amma bunların hamısı bir anda, bir göz qırpımında yoxa çıxa bilər. Buna görə hər şeyi yaxşıca ölçüb-biçməli və düşünülmüş qərarlar qəbul etməlisiniz,” – deyə Belarus prezidenti bildirir.

Aleksandr Lukaşenkonun sözlərinə görə, əgər Volodimir Zelenski “Ukraynanın bu gün cəbhədəki reallıq nəzərə alınmaqla mövcud sərhədlər daxilində qalmasını istəyirsə, danışıqlar vacibdir”.

“Müharibəni dayandırın — burada sizin yox, başqalarının övladları ölür. Məhz budur Zelenskinin problemi — başqaları ölür. Ən vacibi isə odur ki, siz ölkənizi itirəcəksiniz,” – deyə Belarus prezidenti qeyd edir.