Aleko Elisaşvili Ali Babayevi təqib etmək ittihamı ilə saxlanılıb və bu, üç ilə qədər müddətə həbs cəzasını nəzərdə tutur

Daxili İşlər Nazirliyinin Tbilisi Polis İdarəsinin əməkdaşları həyata keçirilmiş istintaq hərəkətləri nəticəsində “Güclü Gürcüstan” koalisiyasının liderlərindən biri – Aleksandre Elisaşvilini saxlayıblar.

Qurumun məlumatına əsasən, o, Cinayət Məcəlləsinin 156-cı maddəsinin 2-ci hissəsinin “a” yarımbəndində nəzərdə tutulmuş cinayətdə ittiham olunur, bu da zorakılığa baş vurmaqla törədilmiş təqibi nəzərdə tutur.

“İstintaqla müəyyən edilib ki, cari ilin dekabrın 2-də Tbilisidə Kostava küçəsində yerləşən apteklərdən birinin yaxınlığında Aleksandre Elisaşvili “Gürcü Arzusu” siyasi partiyasının üzvü 1954-cü il təvəllüdlü A.B.-ya hücum edib və partiya baxışına görə ona qarşı fiziki təhqir törədib.

Hüquq-mühafizə orqanlarının əməkdaşları keçirilmiş istintaq hərəkətləri nəticəsində Aleksandre Elisaşvilini təqsirləndirilən şəxs qismində saxlayıblar.

Baş vermiş fakt ilə əlaqədar Cinayət Məcəlləsinin 156-cı maddəsinin ikinci hissəsinin “a” yarımbəndi ilə istintaq aparılır. Cinayət üç ilədək müddətə azadlıqdan məhrum etməni nəzərdə tutur” – bəyanatda qeyd olunub.