Gürcüstan Milli Bankı tərəfindən Milli Bankın Şurasının vakant yerlərinin doldurulması və prezidentin təyin olunması istiqamətində atılmış addımları təqdir edirik – bu barədə Gürcüstanda Beynəlxalq Valyuta Fondunun Missiyasının rəhbəri Alexandro Hajdenberq Gürcüstan Milli Bankında bu gün keçirilən brifinqdə deyib.

Gürcüstan Milli Bankının prezidenti Natia Turnava, maliyyə naziri Laşa Xutsişvili və BVF-nin missiyasının rəhbəri Alexandro Hajdenberqin iştirak etdiyi birgə brifinq BVF-nin Gürcüstandakı missiyasının başa çatması ilə əlaqədar keçirilib.

O bildirib ki, Milli Bank hazırda Gürcüstan Milli Bankı haqqında üzvi qanuna dəyişikliyə fokuslanmalıdır və bu baxımdan, Valyuta Fondunun missiyası müvafiq tövsiyələr verib.

Alexandro Hajdenberqin rəhbərliyi ilə Beynəlxalq Valyuta Fondunun missiyası 2025-ci ilin mayın 21-dən iyunun 4-dək Gürcüstanla 2025-ci ilin 4-cü maddəsi ilə nəzərdə tutulan məsləhətləşmələr aparıb.