“Axios” – ABŞ və İranın danışıqçıları irəliləyiş əldə ediblər və müharibəni bitirmək üçün çərçivə razılaşmasına nail olmağa yaxınlaşıblar

ABŞ və İranın danışıqçıları irəliləyiş əldə ediblər və müharibəni bitirmək üçün çərçivə razılaşmasına nail olmağa yaxınlaşıblar – bu haqda “Axios”un məlumatına əsasən, iki amerikalı rəsmi şəxs bəyan edib.

ABŞ-nin rəsmi nümayəndəsi bildirib ki, prezident Trampın danışıqçılar qrupu – vitse-prezident Cey Di Vens, Ağ Evin nümayəndəsi Stiv Uitkof və baş məsləhətçi Cared Kuşner – iranlılar və vasitəçilər ilə telefon danışıqları aparıblar və layihə təkliflərini mübadilə etməyə davam edirlər.

“Onlar telefonla danışıblar, bütün ölkələrlə əlaqə saxlayıblar və yaxınlaşırlar” – ABŞ rəsmisi deyib.

Bununla yanaşı, ABŞ-nin ikinci rəsmi şəxsi də irəliləyişə nail olunduğunu təsdiqləyib.

“Biz razılaşmaya nail olmaq istəyirik və onların hökumətinin bir hissəsi razılaşma bağlamaq istəyir” – ABŞ-nin üçüncü rəsmi şəxsi bildirib.

Üz-üzə danışıqların yeni raundunun, atəşkəs rejiminin müddəti başa çatmamış, yaxın günlərdə keçirilməsi ehtimal olunur.