Axaltsixe idarəsinin “Vale” sərhəd sektorunun müdafiə olunan hissəsində dövlət sərhədinin qanunsuz, qrup halında keçilməsi faktı üzrə Gürcüstanın iki vətəndaşını saxlayıblar

Gürcüstanın Daxili İşlər Nazirliyinin Sərhəd Polisinin əməkdaşları Axaltsixe idarəsinin “Vale” sərhəd sektorunun müdafiə olunan hissəsində Gürcüstanın iki vətəndaşını – 1993-cü il təvəllüdlü İ.Q. və 2003-cü il təvəllüdlü R.D.-ni Gürcüstanın dövlət sərhədinin qanunsuz, qrup halında keçilməsi faktı üzrə saxlayıblar.

Gürcüstanın Sərhəd Polisinin məlumatına əsasən, istintaqla təqsirləndirilən şəxslərin sərhəd-nəzarət buraxılış məntəqəsindən yan keçməklə, Türkiyə Respublikasından Gürcüstan istiqamətində Gürcüstanın dövlət sərhədini qanunsuz, qrup halında keçdikləri müəyyən edilib.

Qurumun məlumatına əsasən, istintaq Gürcüstan Cinayət Məcəlləsinin 344-cü maddəsinin 2-ci hissəsi ilə aparılır, bu isə beş ilədək müddətə azadlıqdan məhrum etməni nəzərdə tutur.