İnfrastruktur Nazirliyinin Bələdiyyə İnkişaf Fondu Axaltsixe Munisipalitetindəki Axaltsixe qala kompleksinin bərpası üçün layihə müsabiqəsi elan edib.

İnfrastruktur Nazirliyinin məlumatına əsasən, layihə kompleksin tarixi görünüşünü və orijinallığını qorumaq, zədələnmiş binaları bərpa etmək və təhlükəsiz mühit təmin etmək məqsədi daşıyır. Zaman ərzində yığılmış ziyan və keçmişdə aparılan qeyri-müvafiq işlər nəticəsində Axaltsixe qala kompleksində birləşmiş istehkam, qüllələr, muzey, kilsə və ictimai məkanlar bərpa olunmağa ehtiyac duyur.

“Planlaşdırılan layihə zəruri müdaxilələrin mərhələli şəkildə həyata keçirilməsini müəyyən edir, bu da həm kompleksin fasiləsiz fəaliyyətini, həm də büdcənin səmərəli istifadəsini təmin edəcək. Müsabiqənin şərtlərinə əsasən, layihə mədəni irs haqqında qanunvericiliyə tam uyğun şəkildə icra olunmalı və istənilən müdaxilə elmi nəticələrə əsaslanmalıdır.

Bununla yanaşı, məkanın xüsusi ehtiyacları olan insanlar üçün uyğunlaşdırılması nəzərə alınmalıdır. Axaltsixe qala kompleksinin bərpası Axaltsixenin mədəni və turizm potensialını daha da inkişaf etdirəcək və yerli iqtisadiyyatın güclənməsinə kömək edəcək” – məlumatda qeyd olunub.