Ağ Evdə Konqreslə məsləhətləşərək F-16 qırıcılarının Türkiyəyə təhvil verilməsini davam etdirəcəklərini bildirirlər-bu barədə ABŞ Prezidentinin milli təhlükəsizlik məsələləri üzrə müşaviri Ceyk Sallivan açıqlayıb.

Sallivanın dediyi kimi, prezident Bayden “transferi dəstəklədiyini açıq şəkildə bildirib”.

Bununla yanaşı, milli təhlükəsizlik məsələləri üzrə müşavir döyüş təyyarələrinin təhvil veriləcəyi konkret vaxt barədə ətraflı məlumat verməyib.

Sallivan həmçinin qeyd edib ki, NATO-nun müttəfiqləri Ukraynanın alyansa qoşulması ilə bağlı vahid, müsbət siqnal alacaqlar və bu, Vilnüsdə əsas müzakirə mövzusu olacaq.

Bundan əvvəl Türkiyə Prezidenti Rəcəb Tayyib Ərdoğan İsveçin alyansa qoşulmasına razılıq verib.