Ağ Evin mətbuat katibi Kerolayn Livit Amerika Birləşmiş Ştatlarının İranla atəşkəsin uzadılmasını tələb etməsi ilə bağlı məlumatı təkzib edib.

“Rəsmi olaraq atəşkəsin uzadılmasını tələb etdiyimizə dair bu səhər yenə də yalan məlumat gördüm. Bu, doğru deyil” – Livit bildirib.

Onun sözlərinə əsasən, danışıqlar məhsuldar şəkildə davam edir.

İranla danışıqların ikinci raundunun keçirilib-keçirilməyəcəyi ilə bağlı suala Livit cavab olaraq qeyd edib ki, danışıqlar ehtimal ki, yenidən Pakistanın paytaxtı İslamabadda baş tutacaq.

Bununla yanaşı, Ağ Evin mətbuat katibi bildirib ki, ABŞ-nin İran limanlarına daxil olan və çıxan bütün gəmilərə qarşı dəniz blokadası tam şəkildə həyata keçirilib.

“Prezidentin çox aydın şəkildə ifadə etdiyi tələblərini yerinə yetirmək İranın xeyrinədir” – Livit qeyd edib.