Ağ Ev Kolumbiyanın Amerika Birləşmiş Ştatlarından deportasiya edilən miqrantları qəbul etməyə razılaşması, buna görə də ABŞ-ın Kolumbiyaya viza və tarif məhdudiyyətləri artıq tətbiq etməyəcəyi barədə məlumat verir

 
Ağ Evdə Amerika Birləşmiş Ştatlarının Kolumbiyaya artıq viza və tarif məhdudiyyətləri tətbiq etməyəcəyini bildirirlər. Ağ Evin məlumatına əsasən, qərarı Kolumbiyanın Amerika Birləşmiş Ştatlarından deportasiya edilmiş miqrantların olduğu Amerika hərbi təyyarələrini məhdudiyyət və ləngimə olmadan qəbul etməyə razılıq verməsindən sonra veriblər.

Kolumbiyanın Prezidenti Qustavo Petro Amerika Birləşmiş Ştatlarının bunun müqabilində deportasiya edilmiş vətəndaşlarla ləyaqətlə davranmağa razılaşdığını bildirib.

Məlumat üçün bildirək ki, yanvarın 26-da Kolumbiya Amerika Birləşmiş Ştatlarından deportasiya edilmiş miqrantların olduğu iki Amerika hərbi təyyarəsini qəbul etməkdən imtina edib. Bundan sonra Amerika Birləşmiş Ştatlarının Prezidenti Donald Tramp sosial mediada yazdı ki, Kolumbiyadan ABŞ-a idxal edilən bütün mallara 25 faizlik gömrük rüsumu tətbiq edir, Kolumbiyanın hökumət rəsmiləri və onların tərəfdarlarına səyahəti qadağan edir və vizaları ləğv edir, eləcə də Kolumbiya hökumətinin bütün partiya üzvləri, onların ailə üzvləri və tərəfdarlarına viza sanksiyaları tətbiq edir.