Adiqen bələdiyyəsində baş verən təbii fəlakət əhalini zərərə saldı.

“Birinci Kanal”ın jurnalistinin verdiyi məlumata görə, fəlakət nəticəsində Qomaro kəndində yeddi ailə zərər çəkib. Güclü yağış nəticəsində yaranmış sel kütləsi yaşayış evlərinə və həyətyanı sahələrə ziyan vurub. Bir ev demək olar ki, tamamilə sel kütləsi ilə örtülüb. Evdəki mebellər, texnika və məişət əşyaları zədələnib və ya məhv olub. Həmçinin onadək avtomobilə ziyan dəyib.

Zərər çəkmiş ailələr qonşulara yerləşdirilib. Əraziyə ağır texnikanın gəlməsi gözlənilir ki, təmizləmə işləri başlansın.

Yerli sakinlərin dediyinə görə, güclü yağış dünən axşam saat 18:00 radələrində başlayıb və ardınca gələn sel yardımçı tikililəri, hasarları dağıdaraq evlərə dolub.

Təbii fəlakət Adiqen bələdiyyəsinin Şoxa kəndində də əhaliyə ziyan vurub və “Birinci Kanal”ın çəkiliş qrupu da həmin istiqamətə yola düşüb.