ABŞ səfirliyi – Gürcüstanın NATO-nun müttəfiqlərini və tərəfdaşlarını bir araya gətirən və ABŞ-nin rəhbərliyi ilə keçirilən hərbi-dəniz təlimində iştirak etməsindən məmnunuq

Gürcüstanın “Sea Breeze 2026″da, uzlaşmanı və dəniz təhlükəsizliyini gücləndirmək üçün NATO-nun müttəfiqlərini və tərəfdaşlarını bir araya gətirən, ABŞ-nin rəhbərliyi ilə keçirilən çoxmillətli hərbi-dəniz təlimində iştirak etməsindən məmnunuq – bu barədə ABŞ-nin Gürcüstandakı Səfirliyinin məlumatında deyilir.

Səfirliyin sosial şəbəkədə yazdığı kimi, builki təlim minaəleyhinə əməliyyatlara yönəldilmişdi.

“İştirakçılar minaların aşkarlanması və zərərsizləşdirilməsi, sualtı işlər və xilasetmə əməliyyatları, eləcə də partlayıcı sursatların zərərsizləşdirilməsi və pilotsuz sistemlərin istifadəsi istiqamətində təlimlər keçiblər. Təlimdə Gürcüstanın Sahil Mühafizəsinin və Gürcüstan Müdafiə Qüvvələrinin 12 hərbi qulluqçusu iştirak edirdi. Birgə təlimlərlə müttəfiqlər və tərəfdaşlar regional təhlükəsizliyi gücləndirir, Qara dəniz regionunun təhlükəsizliyinin və sabitliyinin möhkəmlənməsinə kömək edirlər” – ABŞ-nin Gürcüstandakı Səfirliyi yazır.