ABŞ-nin rüsumlarına cavab olaraq Kanada Amerika mallarına 25%-lik rüsum tətbiq edir

 
ABŞ-nin rüsumlarına cavab olaraq Kanada Amerika mallarına 25%-lik rüsum tətbiq edir. Bu haqda Kanadanın Baş naziri Castin Trüdo açıqlayıb.

Konkret olaraq, Kanadanın 30 milyard Kanada dolları dəyərində Amerika mallarına rüsumları martın 4-dən qüvvəyə minəcək, 125 milyard Kanada dolları dəyərində mallara tətbiq ediləcək rüsumlar isə 21 günə qüvvəyə minəcək.

“Rüsumlarımız ABŞ ticarət tədbirlərini ləğv edənə qədər qüvvədə qalacaq və əgər ABŞ-nin rüsumları ləğv edilməsə, biz bir sıra qeyri-rüsum tədbirləri üzrə əyalətlərimiz və ərazilərimizlə fəal danışıqlar aparırıq” – Castin Trüdo qeyd edib.

Çin də ABŞ-a cavab rüsumları tətbiq edir. Bundan əvvəl ABŞ-nin Prezidenti Donald Tramp Kanada və Meksikaya 25%-lik rüsumların martın 4-dən qüvvəyə minəcəyini bəyan etmişdi. Həmçinin, ABŞ Çin mallarına əlavə rüsumlar tətbiq edib.