ABŞ İranın elektrik stansiyalarına və enerji infrastrukturlarına hücumları beş gün müddətinə dayandırır.

Bunu Donald Tramp sosial şəbəkədə yazıb:

“Sevindirici xəbərdir ki, son iki gün ərzində Amerika Birləşmiş Ştatları və İran arasında çox məhsuldar və yaxşı dialoq aparılıb, məqsəd isə Yaxın Şərqdəki konflikti tam və yekun həll etməkdir. Bu dərin, detallı və konstruktiv dialoqun tonuna və məzmununa əsaslanaraq, bütün həftə boyunca davam edəcək danışıqlar fonunda, mən Müharibə Departamentinə tapşırdım ki, İranın elektrik stansiyalarına və enerji infrastrukturlarına hər hansı hərbi hücumları beş gün müddətinə dayandırsın. Bu qərar mövcud danışıqların uğurundan asılıdır,” — deyə Tramp bildirib.