Silahlı qüvvələr Sakit okeanda narkotik qaçaqmalçılığı ilə məşğul olan daha bir gəmiyə hücum edib. Bu barədə ABŞ-ın Cənub Komandanlığı X sosial şəbəkəsində məlumat yayıb.

Məlumata görə, kəşfiyyat məlumatları gəminin terrorçu təşkilat tərəfindən istismar edildiyini və narkotik ticarəti üçün istifadə olunduğunu müəyyən edib.

“Kəşfiyyat təsdiqləyib ki, gəmi Sakit okeanın şərq hissəsində narkotik trafiki üçün tanınmış marşrutla hərəkət edir və narkotik qaçaqmalçılığı əməliyyatlarında iştirak edirdi. Dörd narkoterrorçu məhv edilib, ABŞ silahlı qüvvələri arasında xəsarət alan yoxdur”, – deyə ABŞ-ın Cənub Komandanlığının bəyanatında bildirilir.