ABŞ qanunvericiləri milli təhlükəsizlik xərclərini əhatə edən müdafiə siyasəti qanun layihəsinin yekun mətnini təqdim ediblər.

“Fox News”un məlumatında, qanun layihəsinin gələn il milli müdafiə üçün 901 milyard dollar ayıracağı deyilir. Nəşr qeyd edir ki, tələb Ağ Ev tərəfindən göstərilən məbləğdən 8 milyard dollar çoxdur. Qanun layihəsində Ukraynadan da bəhs olunur.

Rəsmi Kiyevin Təhlükəsizlik Yardımı Təşəbbüsü ildə 400 milyon dollar məbləğində müəyyən edilib. Həmçinin, qanun layihəsi yeni investisiya məhdudiyyətləri tətbiq etməklə, Pentaqonun təchizat zəncirlərində müəyyən Çin texnologiyalarının istifadəsini qadağan etməklə və diplomatik və kəşfiyyat səyini genişləndirməklə ABŞ-nin Çinlə iqtisadi və hərbi rəqabətinin xarakterini dəyişdirir.

Medianın məlumatına əsasən, Nümayəndələr Palatası qanun layihəsinə yaxın günlərdə səs verəcək, sonra isə imzalanması üçün ABŞ Prezidenti Donald Trampa göndəriləcək.