ABŞ Filippində “Typhon” raket buraxılış sisteminin yerini dəyişib və oradan Çin və Rusiyadakı hədəflərə çata bilər

 
ABŞ Filippində “Typhon” raket buraxılış sisteminin yerini dəyişib və oradan Çin və Rusiyadakı hədəflərə çata bilər. Bu haqda məlumatı “Reuters” yayır.

Agentliyin məlumatına əsasən, çoxməqsədli raketləri bir neçə min kilometrə ata bilən raket sistemi ABŞ tərəfindən Laoaqi aerodromundan Luson adasında başqa yerə köçürülüb.

“Typhon” raket buraxıcısı “Tomahawk” tipli qanadlı raketlər və “SM-6” tipli raketlər ilə təchiz edilib ki, bu raketlər 200 kilometr məsafədə hava və ya dəniz hədəflərini məhv edə bilir.

Filippin hökumətinin yüksək rütbəli rəsmisi deyib ki, yerdəyişmə raket batareyasının yeni atəş mövqeyinə hara və nə qədər sürətlə köçürülə biləcəyini müəyyən etməyə kömək edəcək.