ABŞ Apellyasiya Məhkəməsinin qərarına görə, ABŞ prezidenti Donald Trampın İllinoys ştatına göndərdiyi Milli Qvardiya üzvlərinin yerləşdirilməsi bu mərhələdə mümkün deyil; onlar ştatda federal nəzarət altında qalacaqlar. Bu barədə məlumatı “CNN” yayıb.

“Milli Qvardiya üzvləri, məhkəmə bu barədə göstəriş vermədiyi halda, öz doğma ştatlarına qayıtmağa məcbur deyillər”, – deyilir məhkəmənin qərarında.

Bundan əvvəl, federal hakim Eyprel Perri Milli Qvardiyanın yerləşdirilməsini ən azı iki həftəlik dayandırmışdı, çünki Trampın miqrasiya siyasəti səbəbindən İllinoysda “üsyan təhlükəsinin” mövcud olduğuna dair əsaslı sübut tapılmamışdı.

Qeyd edək ki, ABŞ prezidenti Donald Trampın Milli Qvardiyanın yerləşdirilməsi barədə qəbul etdiyi qərara cavab olaraq, İllinoys ştatı və Çikaqo şəhəri məhkəməyə müraciət etmişdilər. Bu, Trampın hakimin əmrinə məhəl qoymadıqdan və məhkəmənin Milli Qvardiyanın yerləşdirilməsini ikinci dəfə dayandırmasına baxmayaraq, İllinoys Milli Qvardiyasının 300 və Texas Milli Qvardiyasının 200 üzvünü müxtəlif yerlərdə yerləşdirmək qərarından sonra baş vermişdi.