Abxaziya Muxtar Respublikasının hökumətinin sədri Qiorqi Cincaradze Fransanın səfiri Olivie Kurto ilə görüşüb

Abxaziya Muxtar Respublikasının hökumətinin sədri Qiorqi Cincaradze Fransa Respublikasının Gürcüstandakı fövqəladə və səlahiyyətli səfiri Olivie Kurto ilə görüşüb. Bu barədə məlumatı Abxaziya Muxtar Respublikasının Hökumət Administrasiyası yayır.

Qurumun məlumatına əsasən, görüşdə hökumətin sədri Abxaziya Muxtar Respublikasının hökumətinin fəaliyyətindən danışıb və səfiri Abxaziyadan olan məcburi köçkünlərin qarşılaşdığı əsas çağırışlarla tanış edib.

Qiorqi Cincaradze işğal olunmuş ərazidə fundamental insan hüquqlarının pozulması faktlarına diqqət yönəldib. Cenevrə Beynəlxalq Danışıqlarına toxunulub. Görüşdə müxtəlif prioritet istiqamətlər üzrə gələcək qarşılıqlı əməkdaşlığın dərinləşdirilməsi imkanlarını müzakirə ediblər.