Abbas Əraqçi – Trampın yeni təhdidləri yalnız növbəti məğlubiyyətə gətirib çıxaracaq. ABŞ-ın iqtisadi terrorizmi qlobal iqtisadiyyat və bütün dünyada suverenlik üçün təhlükə yaradır

İranın xarici işlər naziri Abbas Əraqçi Donald Trampın İrana qarşı dağıdıcı iqtisadi sanksiyalar tətbiq etmək hədəsini “diqqəti yayındırmaq cəhdi” adlandırıb və belə bir addımın “növbəti məğlubiyyətə gətirib çıxaracağını” bildirib.
“Qondarma iqtisadi D-günü Amerikanın öz böhranından – misli görünməmiş dövlət borcundan və artan faiz xərclərindən – diqqəti yayındırmaq cəhdidir”, – deyə Əraqçi sosial şəbəkədə yazıb.
ABŞ Maliyyə Nazirliyinin məlumatlarına görə, ölkənin dövlət borcu rekord həddə – 40 trilyon dollara çatıb. İranın xarici işlər nazirinin sözlərinə görə, bu, ABŞ-ın ağır iqtisadi vəziyyətini göstərir.
“Uğursuz siyasəti daha da gücləndirmək yalnız növbəti məğlubiyyətə və iranlıların daha da böyük düşmənçiliyinə səbəb olacaq. ABŞ-ın iqtisadi terrorizmi qlobal iqtisadiyyat və bütün dünyada suverenlik üçün təhlükə yaradır”, – deyə Əraqçi bildirib.