Abbas Əraqçı: Problem vasitəçilərin çatışmazlığı deyil, ABŞ-ın irrasional, həddindən artıq və təzyiqə əsaslanan yanaşmasıdır

İranın xarici işlər naziri Abbas Əraqçı bildirib ki, İranla ABŞ arasındakı əsas problem vasitəçilərin çatışmazlığı deyil, Vaşinqtonun siyasətidir.

“Problem Amerikanın irrasional, həddindən artıq və təzyiqə əsaslanan yanaşmasıdır. Məhz buna görə də İslam Respublikasından qətiyyətli cavab aldı”, – deyə Əraqçı qeyd edib.

İranlı nazirin sözlərinə görə, ABŞ anlamalıdır ki, İran xalqına və onun maraqlarına hörmətdən başqa alternativ yol yoxdur. Əks halda, bu istiqamətdə irəliləyiş üçün şərait yaranmayacaq.

“Bunun üçün hər hansı xüsusi mesajlara ehtiyac yoxdur. Onlar sadəcə öz siyasətlərinə yenidən baxmalıdırlar”, – deyə İran Xarici İşlər Nazirliyinin rəhbəri bildirib.

Bununla yanaşı, mediada yayılan məlumata görə, İraqın Baş naziri Əli əl-Zayidi Vaşinqtonda ABŞ Prezidenti Donald Trampla görüşdükdən sonra Tehrana səfər edib.