İran həm danışıqlara, həm də mübarizəyə hazırdır — bunu İranın xarici işlər naziri Abbas Araqçi bəyan edib.

Onun sözlərinə görə, İran Xarici İşlər Nazirliyi öz missiyasını dövlətin ümumi məqsədlərinin bir hissəsi kimi qiymətləndirir və diplomatik səylər hərbi komandanlıqla sıx koordinasiya şəraitində davam etdiriləcək.

“Harada mübarizə aparmaq lazımdırsa, mübarizə aparacağıq. Harada danışıqlar aparmaq lazımdırsa, danışıqlar aparacağıq. Biz dövlətin ümumi siyasəti və məqsədləri ilə tam harmoniyadayıq”, — deyə Araqçi bildirib.

İranın xarici işlər nazirinin sözlərinə görə, əgər ölkənin maraqları tələb edərsə, Tehran diplomatik proseslərə də hazır olacaq, lakin “güclü mövqedən”, necə ki İranın silahlı qüvvələri ölkənin müdafiəsinə hazırlaşır.