İstehlakçıların hüquqlarının müdafiəsi və istehlakçı üçün mümkün maliyyə dələduzluğunu aradan qaldırmaq məqsədilə, Gürcüstanın Milli Bankı ödəniş xidməti ilə bağlı mövcud tələbləri sərtləşdirir. Məlumatı Gürcüstanın Milli Bankı yayır.

Milli Bankın məlumatına əsasən, dəyişiklik istehlakçının güclü doğrulama və maliyyə təşkilatları tərəfindən xidmət göstərilərkən istehlakçıların hüquqlarının müdafiəsi qaydasına edilir, bu da həssas təbəqənin, 60 yaşı ötmüş istehlakçının dələduzluq sxemlərindən qorunmasına kömək edəcək və daha effektiv edəcək.

“Yenilənmiş tənzimləmələr ən yaxşı beynəlxalq təcrübəyə əsaslanır və ödəniş xidməti provayderinin 60 yaşı ötmüş istehlakçıların hesablarından həyata keçiriləsi müəyyən əməliyyatlarda risklərin idarə olunmasını daha yüksək standartla həyata keçirmək öhdəliyinə dair əlavə tələbləri əhatə edir. Dəyişikliklərə əsasən, mümkün fırıldaqçılıq əməli nəticəsində elektron ödəniş əməliyyatının aparılmasının qarşısını almaq məqsədilə, ödəniş xidməti provayderi qanunvericiliklə nəzərdə tutulmuş monitorinq mexanizmlərinə əlavə olaraq 60 yaşı ötmüş istehlakçılar üçün xüsusi qoruyucu tədbirlər tətbiq etməlidir.

Xüsusilə, ödəniş xidməti provayderi istehlakçı tərəfindən başladılan riskli elektron ödəniş əməliyyatını müvəqqəti dayandırmalı və ya bu mümkün olmadıqda onun icrasından imtina etməlidir. Aşağıdakı əməllər riskli əməliyyat hesab edilir: əgər ödəniş əməliyyatının məbləği 500 laridən çoxdursa və ödəniş əməliyyatının məzmunu onlayn ticarət dırnaqarası “Forex”, investisiya, oyun biznesi və ya virtual aktivlərlə əlaqəli fəaliyyətlər daxil olmaqla yüksək dələduzluq risk profilinə malik fəaliyyətlərlə əlaqəlidirsə; və ya istehlakçı üçün qeyri-adi xərcləmə və davranış nümunələri müəyyən edilibsə.

Riskli əməliyyat qeydə alındığı təqdirdə, ödəniş xidməti provayderi istehlakçı ilə əlaqə saxlamalı və istehlakçı tərəfindən məlumatın daha yaxşı təhlilini asanlaşdırmaq məqsədilə onu məlumatlandırmalıdır, bununla da dələduzların manipulyasiyası altında istehlakçı tərəfindən əməliyyatlar aparma riski azalacaq. Bununla yanaşı, qeyd edilməlidir ki, istehlakçı tərəfindən riskli və/və ya şübhəli əməliyyat başladıqdan sonra əməliyyatın həyata keçirilməsi ilə bağlı yekun qərar qəbul etmək və bunu xidmət provayderinə təsdiqləmək üçün 48 saat vaxta malik olacaq.

Qeyd edilməlidir ki, ilk mərhələdə Milli Bank tərəfindən hazırlanmış yeni qayda sentyabr ayından qüvvəyə minəcək və yalnız kart əməliyyatlarına şamil ediləcək.

Burada bir daha qeyd edək ki, istehlakçıların, xüsusən də pensiya yaşı seqmentinin hüquqlarının qorunması Milli Bank üçün vacib vəzifələrdən biridir. Məhz bundan irəli gələrək, Milli Bank maliyyə sektorunda mövcud mühitin yaxşılaşdırılması üçün daim çalışır, o cümlədən maliyyə sektorunda etibar, sabitlik və şəffaflığı təmin etməklə. Milli Bank gələcəkdə də dələduzluq risklərinin monitorinqinə davam edəcək və zərurət halında, effektiv şəkildə cavab verəcək” – məlumatda qeyd olunub.