Riqaya uçmaq və tarixi oyuna qatılmaq istəyənlərin yüksək tələbatına görə, baş nazirin qərarı ilə Gürcüstan Hava Limanları Birliyi 10 sentyabrda əlavə subsidiyalı reys təyin edib. Bu barədə məlumatı İqtisadiyyat Nazirliyi yayıb.

Qurumun məlumatına görə, Gürcüstan milli basketbol yığmasına dəstək məqsədilə təşkil olunan əlavə subsidiyalı çarter reysinin biletləri tamamilə satılıb.

“Əlavə subsidiyalı uçuşu Tbilisi Beynəlxalq Hava Limanından Riqaya saat 03:05-də Air Baltic aviaşirkəti həyata keçirəcək. Azarkeşlər isə geriyə, Gürcüstana, 11 sentyabr saat 04:25-də (Gürcüstan vaxtı ilə) qaytarılacaqlar.

Gürcüstan Hava Limanları Birliyi tərəfindən subsidiyalaşdırılan bir istiqamətli biletin qiyməti yenə də 195 avrodur. Biletlərin satışı artıq TKTFLY.GE/eurobasket onlayn platformasında başlanıb.

Reys tamamilə Gürcüstan yığmasının tarixi 1/4 final oyununa uyğunlaşdırılıb. Oyun 10 sentyabrda, saat 18:00-da, Finlandiya milli komandasına qarşı keçiriləcək.

Latviyanın paytaxtına subsidiyalı reyslə uçmaq imkanı yalnız həmin sərnişinlərə veriləcək ki, onlar uçuşdan əvvəl Tbilisi Beynəlxalq Hava Limanında EuroBasket 2025-in oyununa bilet təqdim edə bilsinlər”, – deyə İqtisadiyyat Nazirliyi bildirir.