Ըստ արտասահմանյան լրատվամիջոցների՝ Եմենում ԱՄՆ-ի ռազմական ավիահարվածի հետևանքով զոհվել է երեք և վիրավորվել երկու մարդ

Եմենում ԱՄՆ ավիահարվածի հետևանքով զոհվել է երեք մարդ, ևս երկուսը վիրավորվել են։

Տեղական լրատվամիջոցների հաղորդմամբ՝ Հոդեյդա շրջանը դարձել է ԱՄՆ օդային հարվածների թիրախ։

Առկա տեղեկությունների համաձայն՝ հարձակումը տեղի է ունեցել ջրային ընկերության ենթակառուցվածքի վրա։

Եմենի կառավարությունը մեղադրում է ԱՄՆ-ին միջազգային իրավունքի և կոնվենցիաների խախտման մեջ՝ ռմբակոծելով քաղաքացիական ենթակառուցվածքները։

Միաժամանակ Եմենի «հութիները» պնդում են, որ հարձակվել են Կարմիր ծովում նավարկող ամերիկյան ռազմանավերի վրա՝ ի պատասխան ամերիկյան ագրեսիայի։ Եմենը նշում է, որ հարձակման ժամանակ օգտագործվել են հրթիռներ և անօդաչու սարքեր: