«Հանուն փոփոխությունների կոալիցիայի» առաջնորդներից Զուրաբ Ջափարիձեն սոցցանցում գրում է, որ չի հանդիպի Վրաստանում գտնվող Եվրախորհրդի գլխավոր քարտուղար Ալեն Բերսեին։

Զուրաբ Ջափարիձեն հայտարարում է, որ ցանկացած կառույցի ներկայացուցիչ, ով այսօր ժամանում է երկիր, պետք է հանդիպի հանրահավաքում տուժած քաղաքացիներին, մտնի բանտ, գնա Ռուսթավելիի հանրահավաքին։

«Ցանկացած կառույցի ներկայացուցիչ, որն այսօր գալիս է այս երկիր. ա) պետք է տեսնի պատառոտված ժողովրդին և լսի նրանց պատմությունները. բ) պետք է մտնեն բանտ, տեսնեն քաղբանտարկյալներին և լսեն նրանց պատմությունները. գ) Երեկոյան գոնե մեկ անգամ պետք է գնա Ռուսթավելի ու խոսի այնտեղ կանգնած ցրտահարված մարդկանց։

Դա ավելի շատ պետք է անի այն կառույցի ներկայացուցիչը, որի անմիջական իրավասությունը մարդու իրավունքներն են, մանավանդ, երբ եկել ես մի քանի օրով, և դա 2-3 ժամանոց այցելություն չէ, հատկապես, եթե հաջողվում է հանդիպել քո ծանոթ Կոբախիձեի հետ։

P.S. Գիտեմ, որ մենակ չեմ այս որոշման մեջ: Գիտեմ նաև, որ այլ քաղաքական գործիչներ պատրաստվում են հանդիպել և ասել այս ամենը։ Դա նույնպես ճանապարհ է, բայց ես ընտրում եմ այս ճանապարհը»,- գրում է Զուրաբ Ջափարիձեն։

Նման հայտարարությամբ այսօր հանդես է եկել «Հանուն փոփոխությունների կոալիցիայի» առաջնորդներից մեկը՝ Էլենե Խոշտարիան։