Ժողովրդական պաշտպան․ Կոչ ենք անում դատապարտյալ Գիորգի Դավիթաձեի կողմին անհապաղ դադարեցնել Ժողովրդական պաշտպանի ներկայացուցիչներին վարկաբեկելու նպատակով կեղծ տեղեկատվության տարածումը
Ժողովրդական պաշտպանն արձագանքում է դատապարտյալ Գիորգի Դավիթաձեի կողմից զանգվածային լրատվամիջոցներով տարածված տեղեկատվությանը և կոչ է անում կողմին անհապաղ դադարեցնել Ժողովրդական պաշտպանի ներկայացուցիչներին վարկաբեկելու նպատակով կեղծ տեղեկատվության տարածումը։
Ինչպես նշված է Ժողովրդական պաշտպանի հրապարակած հայտարարության մեջ, դատապարտյալի փաստաբանի տարածած տեղեկությունը, թե իբր Ժողովրդական պաշտպանի ներկայացուցիչը դատապարտյալին խորհուրդ է տվել փորձաքննության նպատակահարմարության վերաբերյալ, չի համապատասխանում իրականությանը։
«Փաստաթղթերով հաստատվում է (կալանավորի ստորագրությամբ հաստատված փաստաթուղթ), որ, Գիորգի Դավիթաձեի հայտարարության համաձայն, փորձաքննություն անցկացնելու հարցով նա խորհրդակցելու էր իր փաստաբանի հետ։ Ինչպես բազմիցս պարզաբանվել է, Ժողովրդական պաշտպանի ապարատը, իր մանդատի շրջանակներում, իրականացրել է բոլոր անհրաժեշտ գործողությունները Գիորգի Դավիթաձեի իրավունքները պաշտպանելու համար։ Ապարատի դիմումի հիման վրա Գլխավոր դատախազությունում նախաքննություն է սկսվել, որի մոնիտորինգի գործընթացը շարունակվում է մինչ օրս։ Ժողովրդական պաշտպանի ներկայացուցիչների վրա ազդելու ցանկացած փորձ մտահոգիչ է և չի ծառայում ոչ կոնկրետ կալանավորի, ոչ էլ այլ կալանավորների օրինական իրավունքների պաշտպանության շահերին»,- նշված է Ժողովրդական պաշտպանի հայտարարության մեջ։