Թբիլիսիի Զեմո Փոնիճալա թաղամասում, պայթյունի վայրում աշխատում են փորձագետ-քրեագետներ,- այս մասին տեղեկացնում է Առաջին ալիքի լրագրողը: Նրա տեղեկությամբ, փրկարարները առավոտից տարածքը մաքրում են աղբից և ամրացնում պայթյունի հետևանքով վնասված պատերը:
Ողջ գիշերվա ընթացքում տարածքը պաշտպանում էր ոստիկանությունը: Շենքի հարակից տարածքը շրջափակված է դեղին ժապավենով:
Տեղում գտնում են «ՂազՏրանսԳազ»-ի և GWP-ի ներկայացուցիչները: Ինչպես հայտարարում են ընկերությունների ներկայացուցիչները, սպասում են փորձագետների թույլտվությանը, որպեսզի կարողանան իջնել շենքի նկուղ և շենքի մուտքում փակել բնական գազը և ջուրը:
Այս պահի դրությամբ, ջուր չի մատակարարվում չորս մուտքի: Փորձագետների թույլտվությունից հետո գազի և ջրի մատակարարումը կդադարի նաև այն մուտքում, որտեղ տեղի է ունեցել պայթյունը: Դրանից հետո շենքի այլ մուտքերի սահմանափակումը կհանվի:
Տեղում գտնվում է բնակչության այն մասը, որոնց երեկ չի հաջողվել մտնել բնակարան և դուրս բերել իրերը:
Շենքի մոտ են գտնվում նաև զոհված մոր և զավակի ընտանիքի անդամները: Նրանց խոսքով, բնակարանից պետք է դուրս բերեն որոշ փաստաթղթեր:
