Մառնեուլիի քաղաքապետ Զաուր Դարգալին հայտարարում է, որ մունիցիպալիտետը վերադառնում է բնականոն կյանքին, սակայն չնայած սահմանափակումների չեղարկման, շարունակվում են կորոնավիրուսի կանխարգելման միջոցառումները:

«Այսօրվանից բացվել է Մառնեուլին: Դա նշանակում է, որ Մառնեուլիում ապրող մարդիկ հնարավորություն կունենան առանց խոչընդոտների երթևեկել Վրաստանի այլ քաղաքներ: Սա շատ կարևոր որոշում է Մառնեուլցիների համար: Բացի այդ, ցանկանում եմ ասել, որ Մառնեուլիում կշարունակվեն այն կանխարգելիչ միջոցառումները, որոնք շատ կարևոր են մեզ համար»,- նշել է Զաուր Դարգալին:

Նրա խոսքով, անհրաժեշտության դեպքում, գյուղերում կշարունակվի ջերմաչափման գործընթացը, որին ներգրավված կլինեն գյուղի բժիշկները: Բացի այդ, կշարունակվի նաև տեղեկատվական քարոզարշավը:

«Մունիցիպալիտետի ներգրավվածությամբ, հավաքի վայրերում կշարունակվի գործել սոցիալական հեռավորության պաշտպանության օրենքը: Մառնեուլին, ինչպես նաև Վրաստանի այլ քաղաքներ, աստիճանաբար վերադառնում են բնականոն կյանքին: Այսօրվանից այստեղ ևս բացվում են գեղեցկության սրահները և էսթետիկ կենտրոնները»,- հայտարարել է Զաուր Դարգալին: